Naturalmente Galiza 2008
Este é un programa ambiental de saídas de fin de semana que inclúe itinerarios de sendeirismo de dificultade media, rutas en kaiak e en bicicleta, actividades de multiaventura e de interpretación do noso patrimonio natural, arqueolóxico e etnográfico. O obxectivo é fomentar o coidado do ambiente e gozar da paisaxe e do contacto coa natureza. |
DESTINATARIOS/AS
Programa dirixido a persoas con idades entre 18 e 30 anos.
NÚMERO DE PRAZAS
22 persoas por grupo cada fin de semana.
COTA DE INSCRICIÓN
30 euros. Os/as posuidores/as do carné xove ou carné máis terán un desconto do 25%.
Dentro do programa, Amigos da Terra desenvolverá durante os meses de abril e maio a actividade Camiñando ao son das montañas.
Camiñando ao Son das Montañas
Incluirá:
- Ruta ambiental interpretativa ata o bidueiral de Montederramo
O bidueiral de Montederramo pode ser considerado como o mellor bosque autóctono co que conta a provincia de Ourense dentro do seu patrimonio. Caracterizado pola abundancia de bidueiros e o alto grao de biodiversidade que alberga no seu interior, está catalogado como Lugar de Importancia Comunitaria (LIC) dentro da Rede Natura 2000
- Actividade de rastros e sinais de fauna durante a ruta
Descifrar o escenario por onde pasou un animal, captar o seu olor, ou identificar as súas pegadas.
Para o desenvolvemento desta actividade contarase coa colaboración da Sociedade Galega de Historia Natural.
- Baño termal no Balneario de Baños de Molgas
Despois dunha xornada de andaina, gozaremos coas propiedades terapéuticas das augas
do Balneario de Baños de Molgas a través dunha ruta termal: toma de augas mineromedicinais, piscina con chorro, tratamento con lama…
- Itinerario a cabalo pola serra
Para rematar a fin de semana, e seguir gozando co contacto coa natureza dun xeito distinto, farase unha ruta a cabalo pola serra de San Mamede. Para esta actividade contaremos con profesionais da empresa Hípica Maceda.
Horario:
O venres sairá un autobús desde Ourense ata o Centro de Educación Ambiental As Corcerizas.
O punto de encontro será a Estación de Autobuses de Ourense ás 20:00 h
Teléfonos contacto:
988 374 318 / 988 302 403
Aloxamento:
Centro de Educación Ambiental As Corcerizas (Arnuíde)
Alto de San Mamede, km 9 • 32702 Vilar de Barrio (Ourense
Datas:
Abril do 25 ao 27
Maio do 9 ao 11
do 23 ao 25
do 30 ao 1 Xuño
Material necesario:
Toalla, chancletas, saco de durmir, traxe de baño, protección para o sol e roupa de abrigo.
Número de prazas:
22
Para ampliar información consulta o programa completo:
NATURALMENTE GALIZA [PDF 12.4 MB]
Apuntate nos Teléfonos:
981 545702
981 545937
981 544869